Yiheyis - Gelagay Lyrics

ምን፡ ቢከብድም፣
ራሴን፡ ከዚህ፡ ወረቀት፡ ላይ፡ ለመግለጽ፡ ለሞክር፣
ነገ፡ ብሞት፡ ሳይወጣልኝ፡ ከምጨንቅ፡ ልተንፍሰው፣
ይፈንዳ፡ ያበጠው።
ለቤተሰብ፡ እንግዳ፣
ለጓደኛ፡ ድብቅ፣
ለራሴ፡ ባዳ፡ ሆኜ፡ እስከመቼ፡ ልጠብቅ።
ሁሉም፡ ሱስ፡ ኣለበት፣
ገመና፡ ለቤቱ፡ ነው፣
እኔም፡ ብቸኝነት፡ ሲከብ፡ በሱ፡ እደበቃለሁ።
ሃጥያት፡ ከበጎ፡ ቀርቦ፡ ቀሎ፡ መቶ፣
ኣላስችል፡ እያለኝ፡ ተመላለስኩ፡ ጎበኘሁት፡ ንሰሃ፡ ጠፍቶ።
ቄስ፡ በሌለበት፡ የት፡ እናዘዘዋለሁ፣
ግራ፡ ገብቶኝ፡ ነበር፡ ሂወት፡ በቀዳዳ፡ ሲፈስ፡ እያየሁ።
ለመናገሩ፡ እንደሆን፡ ሄድኩኝ፡ ወደ Therapist፣
የኣያት፡ ልጅ፡ ቀበጥ፡ የሚሉት፡ እውነት፡ ነው፡ መሰለኝ።
ሰው፡ ሲጠማው፡ ሰው፡ ከፍሎ፡ ያናግራል፣
ስለ፡ ቤተሰብ፡ የልጅነት፡ ገጠመኞች፣
የማይረሱ፡ ክፉ፡ ደግ፡ ጠባሳ፡ ጥለው፡ ያለፉ።
ተጨማሪ፡ ደግሞ፡ ስላገሬ፣ ስለኩዮቼ፣
ስለሚያሳስበኝ፡ የወንድሞቼ፡ መጨረሻ።