Ne ZhaASuRA - Wayowurdha Hasunak Lyrics

කොලොම්පුර හිට ඇවිත් බැස්සොත් දවටගහ ලඟ හන්දියෙ
ටිකක් දුර තව එන්න ඕනෑ මතකයිද පොඩි සන්දියෙ
බයිසිකලයෙ තියන් ගිය හැටි උන්නෙ හෝඩියෙ පන්තියේ
බෝක්කුව ලඟ අඩිපාරෙ යං ගේ ඇත්තෙ තනි නොතනියේ

අවුරුද්දකුත් වෙන්න ආවා අම්මා පොලොවට පස්වෙලා
එදා ඉදලම නෑ පුතෙ ගෙයි හරියකට ලිප රත්වෙලා
මගෙ දොස්තර පුතා එනකම් කියලා දවසක් හිනැහිලා
මාසෙ ගානෙම පොලොස් ඇඹුලක් උන්දෑ ආයෙම විසිකලා

රැයන් තිස්සේ කෙඳිරි ගාගෙන නිදි නැතුව ඔහෙ කහිද්දි
හන්දියෙ ඩිස්පෙන්සරියෙ දොස්තර ලඟත් වරුනෙම කියද්දි
ආව කඳුළුත් හැඟුවා මං අම්මා උඹ ගැන නැහෙද්දි
නොකියාම මං ඉඩම තිව්වා බේත් තුංඩුව දකිද්දී

බැරිම තැන මං පුතේ ලිව්වෙ එදා උඹලට ලියමනක්
හිතුවෙ නෑ මට ඒවි කියලා ඔහෙන් ඒකට පිලිතුරක්
පේලියයි මං කියෙව්වෙ බං එදා මැරුණා සියවරක්
අකුරු බැරි එක උඹේ අම්මට ඇත්තමයි දැන් සැනසුමක්

පෝය කීයද ගෙවුනෙ දන්නෑ ගෙය ඉඩම සින්නම වෙලා
මුදලාලි මහ රෑක ඇවිදින් උඹෙ අප්පා පිටමං කලා
සොහොන ගාවින් අම්මගෙ දාඩිය සුවඳ හිත හිරකලා
කනත්තෙම මහ ගහක් පල්ලෙම මගෙ බර නිදහස් කලා