Joseph Kamaru - Njira Nyinuke Lyrics

Nĩndoka tiga gũthĩĩ tondũ wathie
Twarĩkanĩire njũke ũmũthĩ tuonane
Kĩrĩko giitũ nawe kĩarĩ gĩtheru
Na nokio ndoka tiga gũthiĩ rũgama
Matatũ cia gwitũ tondũ ithiraga tene
Mbaathi cia gwitũ nacio ikũũraga o tene
Akorwo ndũkwaria naniĩ njĩĩra nyinũke

Kaĩ weciririe atĩa wee twatigana
Na ndũkĩndũmanĩre uuge ndigoke
Uhũre thimũ kana ũtũme marũa
Handũ ha guka mũrata ũnjonore
Matatũ cia gwitũ tondũ ithiraga tene
Mbaathi cia gwitũ nacio ikũũraga o tene
Akorwo ndũkwaria naniĩ njĩra nyinũke

Kumagara nĩ kwega nĩndeyonera
Mũgeni ũtarĩ mwene ndarĩ mũtũgi
Ndingĩgũthaitha rĩngĩ ngwĩringĩrĩrie
Twendane nawe ngoro yaku ĩtekwenda
Matatũ cia gwitũ tondũ ithiraga tene
Mbaathi cia gwitũ nacio ikũũraga o tene
Akorwo ndũkwaria naniĩ njĩĩra nyinũke

Wendo wathira ngoro ndwongagĩrĩrwo
Nĩnyonete aingĩ mũno tiwe wa mbere
Ndĩngĩconoka ngiuga nĩwahĩtĩrĩa
Ndoka ngenete wanyonia marakara
Matatũ cia gwitũ tondũ ithiraga tene
Mbaathi cia gwitũ nacio ikũraga o tene
Akorwo ndũkwaria naniĩ njĩĩra nyinũke

Ta ũrĩa irio na kanua na nda itatiganaga
Na riiko na ngũ na nyũngũ na mahiga
Na ma thĩ na makinya itatiganaga
Thiirĩ ũtarĩhagwo ũmenye no wa ũrogi
Matatũ cia gwitũ tondũ ithiraga tene
Mbaathi cia gwitũ nacio ikũũraga o tene
Akorwo ndũkwaria naniĩ njĩĩra nyinũke