CONDAGANA BC - RESPEKTE ATÈ A Lyrics

Humm

Ye
Condagana ak espri yo nan kay la yon lòt dimansyon nan kònè a met granmoun sou nou tout antite yo la awa

Move move records
Bilolo
Sm beats

Bi han han congo wi atè
Espri yo kap fè koze isit se cho cho nèt kap kwit sou bit
Bi wi congo han han atè
Si-w vle derespekte atè a aranje-w pou-w nan chodyè a
Bi han han congo wi atè
Gwo boul dife yo nan kay la nap byen resevwa-w nan lakou-a
Bi congo wi han han atè
Move yo gen kontwòl latè eske-n pa wè sa bann bèkèkè

Nou di onè respè ak tout bon timoun kou granmoun ki pran le swen kap tande mizik sa nap toujou kontinye travay pou nou san kanpe nap ose bèl kilti an nou ki se vodou a nou pa gen pou-n pè fò-n fyè de sa nou ye an bout blak nap met an valè bèl koulè nwa sa nou ap toujou la pou-n reprezante bitasyon-n an granmoun jou ap toujou la anperè ti jean nan zòn lan li toujou kanpe an penpan anperè konsole nan blòk lan fè atansyon nan bren an swiv etwal dife yo lè yap file yo tout klere kou fanal yo di nou ba yo tèt fè mal espri yo pa jere ti bagay ki banal jeneral ret jeneral pou tou tan gen tan de jeneral an jeneral map toujou an gran jan si-w vle pote boure ti mal wap toujou nan kanal pa vin fè bosal wap toujou pran nan chakal nou sòti anba dlo nou vole dan lèzè egare yo panse yo ka manyen-n nou tounen lafimen andezo andezo men lenglensou sou trak la map moulen tout ti papye fen ak tout ti zenglen fè yo respekte granmoun ak bab fin mete tèt kana sou tab epi yo panse yo ka vin ranse ak nou fèy kapab nap voye yo tout al teke mab nan twou san fon an mòd de sab pa maleab a.k.a ti frè envalab ret trankil se remèd kò tande ak wè se de kòkmò yo di èzili dantò pa janm antò gen moun ki pa janm vle dakò fò-n aranje-n pou-n an akò an-n sispann soufle lò pou-n pa rete an dezakò eske-w tande ti bòzò nou vle rekonèt grenn nennenn (nennenn) kanpe an karant kat bon zenzenn (zenzenn) dife-l pa janm etèn gengengeng (gengeng) fò-n sispann kanpe an blengenndeng (genndeng)

Bi han han congo wi atè
Espri yo kap fè koze isit se cho cho nèt kap kwit sou bit
Bi wi congo han han atè
Si-w vle derespekte atè a aranje-w pou-w nan chodyè a
Bi han han congo wi atè
Gwo boul dife yo nan kay la nap byen resevwa-w nan lakou-a
Bi congo wi han han atè
Move yo gen kontwòl latè eske-n pa wè sa bann bèkèkè

Hey mwen retounen ankò wi gason solid kanson boul asye wi Hey men manje ranje a wi yo di k-pi dous pase siwo loja wi san trant kat ba de trak pa yon jwèt map salye anperè lejandè losmy sou menm optik lojik de kamyon mack move a ap toupizi tout ti piti fò-w ta dòmi ta leve bonè ou tou wè big black chasi sa pa izi fò-w gen transmisyon si-w sou tèt mòn premye avni fòk levye-w solid ti ti krezy map fè y-al priye nan pye sen jòj o sekou mèt tonton jòj yo pa gen kòb pou y-achte tòj yo kou ti toutrèl nan kalòj yo bliye si tout boul dife yo an granmoun ap limen tou wouj anndan lòj si-w pa pwason pa vin nan nas sonje sak te rive jonas anpil respè pou frè-m damas sispann kanpe an pye kalbas pa bliye premye gout lapli a kite fè melon-w donnen atè a sonje premye rekòlt mayi a fò-w gen anpil respè pou pye a yo di gèrye yo ret nan mas yo di nou se pitit lamas yo mèt krisifye barabas banm babas move a ap toujou mennen nan vil la ak boul dife mwen yo nan vil la ou ka limena tou men pa pase èzili freda lavi a gen mèt pa pran sa pou jwèt se pa ralba atè a gen mèt fò-w teke fren-w pou pa al anba move a gen tèt map flote sou bit la an bèt fòk nou peye dèt espri yo fenk kare ba nou okèt si-n se sa-n se sa si-n pa sa rale kò-n si-n se sa-n se sa si-n pa sa ranje kò-n

Fò-n respekte antite yo fò-n toujou konekte avèk yo fò-n pran swen idantite yo fò-n pa dekonekte avèk yo fò-n toujou ap onore yo fò-n pa chita ap inyore yo fò-n sispann ap antere yo fò-n toujou ap venere yo

Bi han han congo wi atè
Espri yo kap fè koze isit se cho cho nèt kap kwit sou bit
Bi wi congo han han atè
Si-w vle derespekte atè a aranje-w pou-w nan chodyè a
Bi han han congo wi atè
Gwo boul dife yo nan kay la nap byen resevwa-w nan lakou-a
Bi congo wi han han atè
Move yo gen kontwòl latè eske-n pa wè sa bann bèkèkè

Hum nou bliye si move a s-on granmèt map plen fif nou bann rapè masèl de mazèt hum n-a al mange-m awa

Condagana BC