Charia Ungi - Riria Mugutwenda Lyrics

Rĩrĩa mũgũtwenja Kamaaru rĩrĩa mũgũtwenja
Mũmenyage mwenji nĩenjagwo na muongi nĩ akongwo
Mirica nĩ mĩingĩ Kamaaru rĩrĩa mũgũtwonga
Mũtige kuonga mwĩkinyĩire thĩ ĩno ndĩrĩ mwene

Thenge ici mũrarĩa Kamaaru nĩ ithuĩ tũtwĩrĩire
Tuanakunywo mũno nĩ ngarĩ tũgĩetha ihũrũra
Ngoima ici mũrarĩa Kamaaru no ithuĩ tũtwĩrĩire
Ngengeria na c'onge mĩeũ inĩ mwanahũrwo nĩ ime

Nyũmba mũrakoma Kamaaru nĩ ithuĩ tũmwakĩire
Tũhũrĩte kagoto kware na koroga no ithuĩ
Ngaari ici mwĩnacio Kamaaru athondeki nĩ ithuĩ
Twanarengetwo ciara nĩ cuma nĩguo mũrĩe maisha

Njoohi ĩno mũranyua Kamaaru nĩ ĩthuĩ tũrĩmĩire
Tũhũrĩte hianyũ ngano inĩ ciana irĩ o mĩgongo
Kahũa mũranyua Kamaaru tũkaramatĩte
Ciana imonyoretwo mĩgongo magĩcaria fiithi

Nuu ucio araeta Kamaaru ni arahenia andu aoo
Gũtirĩ hĩndĩ ũngĩinia thũmbĩ tũtatwĩte ciira
Waigua ngĩina rũrũ Kamaarũ nĩ nduĩrĩtie ngona
Kiugo kĩa bata kĩa ng'enyũ ĩno nĩ nyita tũthĩnje