Näbelliächt - Vermächtnis Lyrics

Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt immer
Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt für d Ewigkeit
Nur ä Gedanggägang - das sind kä Abschiedswort
Doch ich stelläs mir halt gad chli vor
Ich Flüügä richtig Abigrot
Dänn wänn minä letschti Tag isch cho
D Truur vergaht, dr Schmerz vergaht
Z Geld womä vererbt vergaht als erscht wohl klar
Äs paar Büecher und Dateie voll mit Text, wer chrazts
Äs paar Habseeligkeitä womä weg wett haa
Äs paar Erinnerigä, Momänt wo blibä sind
Doch au diä verblassed mit dr Ziit
I derä schnelllebigä Welt vergisstmä gschwind
Chasch di fragä was mal bliibä wird
Darum diä Liäder, diä chasch ändlos idr Schlaufä losä
Diä liegend Acht, für d Ewigkeit ä Zauberformlä
Ich bi ganz nach bi dir, halt eifach dini Augä gschlossä
Sunnästrahlä schiined dur diä grauä Wolggä
Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt immer
Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt für d Ewigkeit
Was wird dä vu mir bliibä , Namä inä Stei gschribä
Truurigi Ziitä, für d Familiä wo drunder liidäd
Gaht dä schu vrbii - bliib än Erinnerig
Chum und gang is Nüüt uf dr Wält für nä Aufäbligg
Ha Kä nüi Formlä i dr Physik gfundä
Nüd z Welthungerproblem glöst und überwundä
Bim Wettrännä händs mi ider Regel überrundet
Ha mich zwar schu bemüäht, aber nüt isch mr glungä
Wänni chennti wünschä bliibt was hangä vu mir
Wo gad wichtig isch für öppert und wo anderä hilft
Und ischs au nur äs Liäd - im Ohr vu dir
Wo d Stimmig ufä bringt - Mit Poesie
Läbä ohni Heldätat, Zum stärbä nuch nüd parat
Immer das Guätä, dr Fridä und Mänschä zämä bracht
Wänni d Wält verlah, Luäg i zrugg und frag mich
Was bliibt dänn da noh vilicht ä schüni Melodie
Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt immer
Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt für d Ewigkeit
Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt immer
Au wenn ich mal guu
Ha dr öppis chlises hinderluu
Öppis nur für dich ganz persönlich wienä Chuss
Jedes einzel Liäd - ä Spur wo bliibt für d Ewigkeit